Giza eskubideen agenda globalak erronka askori erantzun behar dio oraindik ere, eskubide ekonomiko, sozial eta kulturalei dagozkien erronkei, besteak beste. Halakoak justizia sozialean eta ondasunen birbanaketa ekitatiboan oinarritzen dira, baina kolokan daude etengabe eta hutsune handiak daude haiek gauzatzeko garaian, eskubideon alde lan handia eginagatik ere.
Ahaleginok indartzeko beharrari nahiz haien ezintasun edo desegokitasunari buruzko tirabirak eztabaidaren funtsezko gaiak dira.
Gaur egungo egoera sozioekonomikoa ikusita (mundu-mailako krisi sakona, ondasunen banaketaren polarizazioa, tentsio handiak Europako ongizate-ereduan, garapeneko eta gizarte-kohesioko politiken bideragarritasunaren krisia) apropos-aproposa gertatzen da eskubide horiek aztergai hartzea.
Hori dela eta, Eusko Jaurlaritzak, aipatutako sakoneko arrazoiekiko duen sentsibilitate bereziari jarraiki eta 2010 Pobreziaren eta Gizarte Esklusioaren aurkako Europar Urtea dela aprobetxatuz, giza eskubideei buruz antolatzen duen biltzarraren IV. edizioan gai horiei heltzea erabaki du.
Aurkezpen osoa PDF artxiboan (102 Kb.)
Bestelako dokumentuak: EGITARAUA | 61 Kb · PDF
Biltzarraren testu osoa (3.085 Kb.) - PDF - Ingeleseko bertsioa (3.211 Kb.)