Etxebiden izena emateko bete behar dituzun baldintzak zein diren irakurri eta horiek benetan betetzen dituzula egiaztatu ondoren, eskabide-orriari erantsi beharrezko dokumentazioa bildu behar duzu eta, ondoren, izena emateko eskaera betetzen has zaitezke.

Eskabidea formalizatzeko orduan, gogoratu pertsona edo bizikidetza-unitate bakoitzeko eskabide bakarra onartuko dela (pertsona bera ezin izango da aldi berean bi bizikidetza-unitatetan baino gehiagotan egon), eta eskabide hori 2 urterik behin berritu beharko dela.

TRAMITAZIO ELEKTRONIKOA

Izena emateko eskaera Etxebideko Etxebizitza Eskatzaileen Erregistroan bitarteko elektronikoak soilik erabiliz tramitatu nahi baduzu:

1. Aurkeztu nahi dituzun agiriak formatu elektronikoan dauzkazula egiaztatzea garrantzitsua da (pdf fitxategiak, gehienez 3 MBkoak). Zein dokumentazio eskatzen den egiaztatu ahal duzu aldez aurretik.
2. Eusko Jaurlaritzak onartutako ziurtagiri elektroniko baliodun baten bidez sartu behar duzu (B@kQ ziurtagiria, NANe eta/edo ONA txartela). HEMEN, Etxebiden izapideak egiteko onartutako bitarteko elektronikoei buruzko informazio gehiago. Aukera guztietatik, B@KQ izenekoa da kudeatzen errazena.

Prozesua bukatuta zure eskaera aurkeztu izanaren frogagiria inprimatu ahal izango duzu.

TRAMITAZIOA PAPEREAN

Nahi baduzu, eskaera on-line bete dezakezu eta beharrezko dokumentazioarekin batera paperean aurkeztu:

1. On-line betetako eskaerako datuak baieztatu ondoren, PDF dokumentua inprimatu beharko duzu.
2. Eskaeraren titular izan nahi dutela adierazi duten bizikidetza-unitateko kide guztiek sinatu beharko dute eskabidea.
3. Eskatutako dokumentazioarekin batera aurkeztu beharko duzu eskaera. Horretarako, bi aukera dituzu:
   • Aurrez aurre:
     
     • Etxebiderekin hitzarmena duten Udaletan, bertan erroldatuta bazaude: Basauri (arreta BIDEBIn), Bilbao (Bilboko Udal Etxebizitzetan arreta), Getxo, Vitoria-Gasteiz, Oiartzun, Urretxu, Zumaia eta Zarautz.
     • ZUZENEAN - Eusko Jaurlaritzako Herritarrentzako Zerbitzuko leihatiletan:
       - Ramiro de Maeztu 10, behea - 01008 Vitoria-Gasteiz.
       - Kale Nagusia 85 - 48011 Bilbao.
       - Andia 13 - 20003 Donostia.
   • Posta bitartez:
     
     • Araba: Samaniego 2 - 01008 Vitoria-Gasteiz
     • Bizkaia: Kale Nagusia 85 - 48011 Bilbao
     • Gipuzkoa: Andia 13 - 20003 Donostia

Etxebizitza eskabide-orri bat bete nahi baduzu, sakatu hemen.