[ATZERMASTER]  Atzerrian EAErako interesgarriak diren gaietako espezializazio-ikasketak egiteko beken 2013/2014rako deialdia

Agindu honen xedea unibertsitateko goi-mailako tituludunentzat atzerrian EAErako interesgarriak diren gaietako master ofiziala lortzeko espezializazio-ikasketak egiteko, ofiziala lortzeko, 2013/14 ikasturterako beken oinarri arautzaileak ezarri eta horietan izena emateko deialdia egitea da.Deialdiaren barruan badago beka berriak ematea zein 2012/13 ikasturterako beken berritzea.

• Unibertsitate tituludunak informazio zehatza

  Unibertsitateko goi mailako tituludunak.

  Betebeharrak:

  • Errolda
  • Egoitza-baimena

    Europar Batasunetik kanpoko atzerritar etorkinen kasuan, dagokien egoitza-baimena eduki behar dute.

  • Titulu hauetako bat izatea.
    • Lizentziatuaren, ingeniariaren edo arkitekturaren Espainiako ikasketa ofizialen titulua izatea edo titulua eskuratzeko ikasketak amaituta izatea.
    • Diplomatuaren, ingeniaria teknikoaren edo arkitekto teknikoaren Espainiako titulu ofiziala izatea edo titulua eskuratzeko ikasketak amaituta izatea eta unibertsitateko ikasketa ofizialetan zehar 240 ECT(Europan Credit Transfer System) gaindituta izatea, horietako 60 ECT, gutxienez, master ofizial batean izan behar dira.
    • Europako Goi Mailako Hezkuntza Eremuko graduko ikasketen titulua izan edo amaituta izatea eta 240 ECTS kreditu gutxienez gainditu izana, gradu-eta master-ikasketenak barne.
    • Goi mailako arte irakaskuntzen titulua izatea edo titulua eskuratzeko ikasketak amaituta izatea.
    • Europako Goi Mailako Hezkuntza Eremutik kanpo eskuratutako tituludunek eskumena duen ministerioaren homologazio-ziurtagiria aurkeztu beharko da hori egiaztatzeko.
  • Lizentziaturaren, ingeniaritzaren,arkitekturaren, graduaren, diplomaturaren, ingeniaria teknikoaren, arkitekto teknikoaren edo Goi mailako arte irakaskuntzen ikasketak 2009ko ekainean edo beranduago amaitu izana.

    Eskatzaileak eskatzen zaion titulazioa 2013eko uztailerako lortzea espero badu, onartu egingo zaio eskabidea, eta behin behinean ebaluatuko da. Laguntza emateko, eskatzaileak agiri bidez egiaztatu beharko du 2013 ko uztailerako ikasketak amaitu dituela. Horretarako, Zientzia Politikarako Zuzendaritzara bidali behar ditu jatorrizko ziurtagiri akademikoak edo konpultsatuak eta baita ere titulua edo titulua emateko eskubideen ordainketa egiaztatzen duen agiria, 2013ko abuztuaren 14an beranduenez.

  • Espediente akademikoaren batez besteko nota 6,50 puntukoa edo altuagoa izatea. Nolanahi ere, ingeniaritzarako eta arkitekturarako 6,00ko batez bestekoa eskatuko da.

• Diru-laguntza edo laguntza publikoak eskuratzea eragozten duten zehapen administratiborik edo penalik ez izatea, ezta horretarako legezko inolako debekurik ere, sexu-bereizkeriagatiko debekuak barne, Emakumeen eta Gizonen Berdintasunerako otsailaren 18ko 4/2005 Legearen azken xedapenetako seigarrenean zehaztutakoarekin bat etorriz.