Eguzki-argia: Eguzkiaz Gozatu baina zure Larrua Babestu
 Eguzki-argia beharrezkoa da, kaltzioaren metabolismoa erregulatzen duen D bitamina sintetizatzeko. Hori lortzeko, 10 minututan eguzkitan paseatzea nahikoa izan daiteke. Horrez gain, eguzki-argiak larruazaleko gaixotasun batzuk obetu ditzake eta gogo-aldartea altxaraztea eragin dezake.
Eguzki-argitan jartzeko eguneroko dosiak organismoan gehitzen eta metatzen doaz. Organismoa, bizitzan zehar, arazorik gabe eguzki-erradiazioaren guztizko kantitate zehatz bat pairatzeko baino ez da gai. Guztizko dosi hori gainditzen baldin bada, ondorioak oso larriak izan daitezke, azalekominbizia garatu ahal delarik.
Beraz, eguzki-argitan jartzearen ondorio diren efektu positiboez gozatzeko eta negatiboak murrizteko, oso garrantzitsua da honako neurri hauek hartzea bai hondartzan bai mendian:
- Eguerdiko 12ak eta arratsaldeko 5ak bitartean zuzeneko eguzkitan jartzea ebitatu.
- Burua estalita eduki eta begiak eguzkitako betaurrekoekin babestu.
- Eguzkitan dauden alderdietan, larruazal-motari dagokion, eguzkitik babesteko krema ugari eman:
- eguzkitan jarri baino ordu erdi lehenago, lainotua egon arren;
- beti aplikazioa bi edo hiru orduro errepikatuz;
- krema erabiltzeak ez du eguzkitan gehiegi jartzea eragin behar.
- Paseatu eta mugitu, eguzkitan etzanda egon beharrean.
- Likido ugari edan, batez ere ura.
- Neurri guzti hauek arreta handiz jarraitu neskatoengan edo mutikoengan, eta larruazala noizean behin freskatu, baina ez erabili itsasoko urik.
- Hiru urte baino gutxiago duten haurrak beti gerizpetan eduki, kamiseta jantzita eta txanoa buruan dutela, eta aldian-aldian ura edanarazi.
- Inoiz ere ez utzi 6 hilabete baino gutxiago duen haurtxorik, arroparik gabe, zuzeneko eguzkitan.
Jaitsi dokumentua PDF formatuan
|
