Akta (II. Zatia: Parlamentuak onartutako testuak) 98ko urriaren 23a:
Behin-behineko edizioa

Liburutegiek gizarte modernoan duten zereginari buruz Europako Parlamentuak hartutako erabakia

A4-0248/98(Ponente: Ryynänen)

Europako Parlamentua

• "Komunitate-mailako Liburutegia" eratzeari buruz 1984ko martxoaren 30ean hartu zuen Erabakia ikusita (1),
  
  
• Informatikaren esparruan liburutegien lankidetzari buruz 1985eko irailaren 27an Kontseiluak hartutako Erabakia ikusita (2),
  
  
• 1994ko liburutegi publikoen inguruko UNESCOren Adierazpena ikusita,
  
  
• "Europa eta informazioaren sozietate globala" izeneko Europako Kontseiluari egindako gomendioari buruz, eta Batzordeak Kontseiluari, Europako Parlamentuari, Batzorde Ekonomiko eta Sozialari, eta Eskualdeetako Batzordeari "Europa, informazioaren gizarterantz martxan. Jardun-plana (Europa en marcha hacia la sociedad de la información. Plan de actuación)" izenekoa jakinarazteari buruz 1994ko azaroaren 30eko Erabakia ikusita (3),
  
  
• Informazioaren sozietateari buruz 1995eko otsailaren 25ean eta 26an G7ak egindako bileraren inguruan 1995eko otsailaren 16an hartutako Erabakia ikusita (4),
  
  
• Bizitza osoan zehar hezkuntzaren eta prestakuntzaren Urte Europarra ezartzen duen Europako Parlamentuaren eta Kontseiluaren erabaki-proposamenari buruz 1995eko martxoaren 16an hartu zuen Erabakia ikusita (1996) (COM(94)0264 - C4-0143/94 - 94/0199(COD))(5),
  
  
• Hazkuntzari, lehiakortasunari eta enpleguari -XXI. mendean sartzeko erronkak eta aztarnak- buruzko Batzordearen Liburu Zuria ikusita (COM(93)0700 - C3-0509/93),
  
  
• Informazioaren gizartearen aplikazioak egiteko metodologiari buruz Batzordeak Kontseiluari, Europako Parlamentuari, Batzorde Ekonomiko eta Sozialari, eta Eskualdeetako Batzordeari jakinarazitakoa ikusita (COM(95)0224),
  
  
• Informazioaren Gizartean egile-eskubideei eta bat datozen eskubideei buruzko Batzordearen Liburu Berdea ikusita (COM(95)0382 - C4-0354/95),
  
  
• Informazioaren gizartean Komunitatearen aniztasun linguistikoa aprobetxatzeko hainbat urtetako programa martxan jartzeari buruz Kontseiluaren erabaki-proposamena ikusita (COM(95)0486 - C4-0152/96)(6),
  
  
• Hezkuntzari eta prestakuntzari buruzko Liburu Zuria: Irakatsi eta ikasi - Gizarte kognitiborantz izenekoa ikusita (COM(95)0590 - C4-0597/95),
  
  
• Goi-mailako Aditu-taldearen 1996ko urtarrileko behin-behineko txostena, eta 1997ko apirileko behin betiko txostena ikusita Txostenaren izena: "Guztiontzako informazioaren gizarte europarraren eraketa (Construcción de una sociedad de la información europea para todos)",
  
  
• 1996ko uztailaren 24an egin eta egun berean onartu zen "Informazioaren gizartean bizi eta lan egin, pertsonentzako lehentasuna (Vivir y trabajar en la sociedad de la información, prioridad para las personas)" izeneko Liburu Berdea ikusita (COM(96)0389),
  
  
• Kulturari eta multimediei buruz 1995eko apirilaren 4ko Kontseiluaren Erabakia ikusita (7),
  
  
• "Informazioaren Gizartean Ikasi. Hezkuntza-mailako ekimen europar baterako ekintza-plana (Aprender en la Sociedad de la Información. Plan de acción para una iniciativa europea de educación)" izeneko Batzordearen Komunikazioa ikusita (1996-1998) (COM(96)0471 - C4-0528/96),
  
  
• Edizio elektronikoari eta liburutegiei buruz 1996ko uztailaren 25eko Kontseiluaren Erabakia ikusita (96/C242/02)(8), - Informazioaren gizarteari, kulturari eta hezkuntzari buruz 1997ko martxoaren 13an hartu zuen Erabakia ikusita (9), - EBeko Itunaren 126. eta 128. artikuluak ikusita,
  
  
• Bertako Arautegiaren 148. artikulua ikusita,
  
  
• Kultura, Gazteria, Hezkuntza eta Hedabideetako Batzordearen txostena ikusita (A4-0248/98),
  
  

A. Informazioa edukitzea eta erabiltzen jakitea integrazio ekonomikorako, sozialerako eta kulturalerako faktoreak direla eta, horrenbestez, hiritarrek informazio osoa jasotzeko modua antolatu eta bermatu behar dela kontuan hartuta,

B. Kulturak ezagutza berriak eskuratzeko nahiari bidea irekitzen diola, eta testuinguru horretan literaturak, aberastasun linguistikoaren bitarteko gisa bereziki, leku berezia betetzen duela kontuan hartuta,

C. Informazioaren gizartearen eredu europarrak faktore ekonomikoei eta teknologikoei, eta gizartearen alderdi demokratikoei, sozialei eta kulturalei arreta eskaini behar zaiela, eta Maastricht-eko Itunean onartutako kultur dimentsioa eta Amsterdamgo Itunean aipatutako hiritartasuna martxan jartzeko tresnak erabili behar direla kontuan hartuta,

D. Informazioaren gizartean egile-eskubideei buruzko Arteztarau-proiektuak Estatu kideei erreprodukzio-eskubideetan bakarrik zenbait salbuespen ezartzeko aukera ematen diela, etekin ekonomiko zuzenak edo zeharkakoak lortzearren burutzen ez dituen jendeari irekitako establezimenduek egindako erreprodukzio-zeregin zehatzei dagokienean; halaber irakaskuntzaren edo ikerketa zientifikoaren helburu soilarekin erabiltzerakoan (lortu nahi duten helburu ez komertzialak horrela justifikatzen duen neurrian), eta ikusmeneko eta entzumeneko minusbaliotasuna duten pertsonen aldeko erabilera ez komertzialaren kasuan, erreprodukzioko eta jendeari jakinarazteko eskubide soiletan salbuespenak ezartzeko aukera aurreikusi duela. Eskubideen eta interesen arteko oreka zaindu behar da, eta salbuespenak nazioarteko obligazioen arabera burutuko dira; salbuespen horiek ezingo dituztela, egile-eskubideen titularren interes legitimoak urratuko dituzten moduan, edo euren obraren ustiapenaren aurka ezarri kontuan hartuta;

E. Komunikazioen teknologiaren aldaketen ondorioz, sareetan edo beste forma digitaletan gero eta kultura eta informazio handiagoa dagoela eta bertarako sarrera bermatu behar dela kontuan hartuta,

F. Komunikabide tradizionalen eta berrien arteko zubi-lanak liburutegiek egin behar dituztela kontuan hartzen da, bata bestetik urrundu beharrean osagarri izan daitezen,

G. Liburutegiak eta informazio-zerbitzuak, ezagutzara heltzeko bidearen antolaketan gero eta garrantzitsuagoak direla (komunikabideen hazkuntza-testuinguruan) kontuan hartuta,

H. Europan, 100.000 bat liburutegitan hainbat informazio- eta kultura-premiari arreta eskaintzen dioten 240.000 liburutegi-langile inguru daudela, eta bere diru-horniduraren ehuneko osoa NPGaren %0,4koa dela kontuan hartuta,

I. Liburutegi publikoetan, eta Europako Batasuneko hainbat herritako ikastetxetan, kultura eta ezagutzak trukatzeko mota honetako sare bat era daitekeela egiaztatu dute. Sare honen zeregin nagusietako bat hiritar aktiboei, pertsona bakoitza bizi den lekuarekin, prestakuntza-mailarekin edo egoera sozialarekin zerikusirik ez duen eta guztion eskura egongo den ezinbesteko oinarrizko informazioa eskaintzea da; horrela, informazioaren gizarte demokratikoa, irekia eta gardena eratzen lagunduko dute.

J. Liburuzain profesionalak informazioa tratatzeko eta kudeatzeko bereziki prestatuta daudela egiaztatu da; horrenbestez, hiritar guztiek informazioa eskuratzeko eta erabiltzeko aukera izango dute. Horrek oraindik garrantzi handiagoa du, informatika gero eta pisu handiagoa hartzen ari den informazioaren gizarte batean.

K. Ikastetxeetako eta unibertsitatetako liburutegiek, irakaskuntza eta hezkuntza euren komunitateetako elementu garrantzitsuenetako bat bezala bultzatzen dutela egiaztatu da, izan ere ikastetxeetan, ikasleek informazioaren bilaketa independentean oinarritutako irakaskuntza-metodoak erabiltzen dituzte; metodo horiek ere helduen hezkuntzan gero eta gehiago erabiltzen dituzte. Horrenbestez liburutegiek, bizitza osoan zehar prestakuntzarako babes-zerbitzu garrantzitsua ere eskaintzen dute,

L. Liburutegi nazionalek, literaturaren eta herrialde bakoitzak argitaratutako bestelako dokumentuen bilketa-, zainketa- eta katalogazio-lan garrantzitsua egiten dutela egiaztatuta, kultur ondarea zaintzeko eta ondorengo belaunaldiei transmititzeko baldintza da.

M. Liburutegi zientifikoek eskaintzen duten zerbitzurik gabe ikerketa-lana eta goi-mailako ikasketak egin ezin direla egiaztatu da, bai eta zerbitzu hauen kalitateak eta kantitateak emaitzen maila asko igoko dutela ere.

N. Enpresa-munduan ere, jarduera ekonomikoaren elementu bat gehiago bezala, informazioa gero eta gehiago behar dela egiaztatu da; eta bereziki, enpresa txiki eta ertainek fondo publikoekin finantzatutako liburutegiek eskaintzen dituzten baliabideak gero eta sarriago erabiltzen dituztela. Halaber, ikerketa-sailek eta enpresa handietako dokumentazio-zerbitzuek liburutegi zientifikoetara jotzen dute etengabe,

O. Goian aipatutakoez gain, Europan, erabiltzaile-taldetan edo dokumentu jakinetan espezializatutako liburutegi ugari daudela egiaztatu da, adibidez, ikusmen-minusbaliatuentzat liburutegiak, administrazioko liburutegiak eta gordailu-liburutegiak; hainbat herrialdetan fundazioen liburutegi partikularrak daude, balio historiko handikoak.

P. Herrialde bakoitzean, eta arrazoi historikoak direla medio, liburutegien garapena diferentea izan dela azpimarratuta, une honetan Europa-mailan gizartearen eboluzioak liburutegiei dakarkien erronkak ere aztertu behar dira, eta Europako hiritar guztiei, ekintza komunen bidez, ezagutzarako eta kulturarako oinarrizko sarbidea bermatu behar zaizkie liburutegiez baliatuta.

Q. Liburutegiak haurren irakurmen-ahalmena sendotzeko oinarrizkoak dira, haiek kulturara hel daitezen eta irakurmen-maila orokorra manten dezaten; halaber zeregin honetan erronka berriei aurre egiten diete, komunikabideak erabiltzeko gaitasuna bihurtzeko herritar guztien irakurmen-gaitasuna zabaldu egin beharko litzatekeelako.

R. Hizkuntzak, literaturak eta bertako kulturak bizirik iraun dezaten liburutegiek duten garrantzi berezia, eta museoekin, artxiboekin eta bestelako kultur agenteekin, idazleak adibidez, lankidetzan aritzeko aukera ugari daudela azpimarratuta,

S. Halaber, liburutegia beste kulturak eta bizimoduak erakusteko, eta adimen-aberastasunerako faktore paregabea ere badela egiaztatu da; erabiltzaileari bizimodu eta ohitura ezezagunei buruzko liburuak, egunkariak, filmak eta bestelako bideoak, musika eta dokumentu elektronikoak eskaintzen baititu.

T. Liburutegi publiko onenek, komunitate bakoitzean garrantzi handiko gizarte-foru gisa ere funtzionatzen dutela, eta esparru horretan kooperazioa garatzeko izpirituan mota diferentetako tokiko hiri-ekimen ugari bil daitezkeela kontuan hartuta,

U. Informazioa erregistratzeari, antolakuntzari, bateragarritasunari eta informazioaren transmisioari buruzko arauen sorreran liburutegietako sektorearen garrantzi handia, eta lan honen bolumena eta garrantzia handitu egiten dela sareko informazioaren garai honetan kontuan hartzen da; halaber, esparru honetan administrazioko gainerako sektoreetara orientatutako lankidetza-premia handia dago,

V. Erabiltzeko lizentziak behar dituen material elektronikoko informazioaren merkatura heltzeak liburutegi guztietan lan-esparru oso zabala ekarri du; halaber lizentziak emateko prozedura argitu egin behar da Europa-mailan eta Estatu kideen mailan, horrek eragindako ondorioak eta eskubideen titularren interesen babesa barne,

W. Azpiegitura telematikoen mailaren hobekuntza, liburutegiek euren erabiltzaileei sareko informazioa modu eraginkorrean ere eskaini ahal izateko baldintza tekniko garrantzitsua dela egiaztatuta,

X. Duela 150 urtetik hona liburutegien arrisku handiena paper azidoa deitutakoa dela (desegin beharra eskatzen duena) kontuan hartuta, "paper iraunkorra" erabiltzeari buruz Europa-mailako araua ezartzea eskatzen du.

Y. Liburutegien arloan ere materialaren zainketarekin lotutako arazo zehatzak (paper iraunkorra erabiltzeko beharra eta une diferentetan hainbat formatu teknikotan erregistratutako dokumentuak epe luzera kontserbatu) konpondu behar direla, eta libre dagoenaren bermea kontuan hartuta,

Z. Europako liburutegiei buruz estatistikak ebaluatzeko eta egiteko, gaur egun erdika eginda dauden prozedura komunak behar direla egiaztatuta,

AA. Liburutegien sistema integratuen produktore edo editore jakin gisa, liburutegiak produkzio-sektore jakinetarako bezero garrantzitsuenak edo garrantzitsuenetakoak direla, eta liburutegiko jardueraren hedapena eta bere kalitatearen hobekuntza sektore hauetako ekonomian ere islatuko dela kontuan hartuta,

BB. 1990ean hasi eta mota diferenteko 100 proiektu inguru finantzatu dituen liburutegietarako Telematika programak, liburutegien eta Estatu kideetako beste sektoreen artean zenbait lankidetza-proiektu garrantzitsu martxan ezarri dituela, eta prozesu honek ikerketako eta garapen teknologikoko V. Programa markoaren esparruan ere prozesu honen jarraipena bermatu behar dela kontuan hartuta,

CC. Egiaztatu da adibidez, liburutegi europarra sortzeari buruz 1984ko martxoaren 30eko Erabakian (10), eta informazioaren, kulturaren eta hezkuntzaren gizarteari buruz 1997ko martxoaren 13ko Erabakian (11) eskatzen zuten Europa-mailako liburutegien sarea martxan jarri dela orain arte funtzionalki batez ere, liburutegietarako, liburutegi nazionalen eta parlamentarioen lankidetzarako, eta liburutegietako erakunde europarren lankidetzarako; hala ere ikuspegi teknikotik sarearen sorrera lehen fasean dago oraindik.

DD. Txosten horretan ezarritako bigarren helburua lortzeko, kultur ondarea euskarri digitalean jartzea alegia, zenbait herrialdetako liburutegiak martxan jarri badira ere, oraindik lan-esparru handia betetzeko dutela egiaztatu da,

EE. Liburutegiek orain arte, informazioaren gizarte modernoak planteatzen dituen erronken aurrean baliabide gutxi dituztela, eta baliabide gutxi izateak, bertan jasotako kulturako, hezkuntzako eta ikerketako kapital handiaren eraginik gabeko erabilera ekartzen duela egiaztatuta,

1. Informazioaren gizarterako Europako Batasunaren estrategian liburutegiak behar bezala hartu behar dituztela kontuan uste du, kultur politikan, edukietan, hezkuntzan eta informazioan, bai eta dagozkien aurrekontu-erabakietan, ezagutzara eta kulturara heltzeko sistema antolatu garrantzitsuenetako bat bihurtzen diren neurrian;
   
   
2. Liburutegiek informazioa eskuratzerakoan eta ezagutzak transmititzerakoan zeregin aktiboa izan dezaten neurri egokiak har ditzaten gomendatu die Estatu kideei;
   
   
3. Liburutegiek pluraltasun kulturala eta linguistikoa bultzatzen lagunduko duten edizio mugatuetan edo garestietan obrak eskuratzeko Estatu kideek ahalegin guztiak egin ditzaten gomendatu die; modu horretara liburutegien bidez jende ugarik obra horiek eskura izango ditu;
   
   
4. Liburutegiek informazioaren gizartean duten paperari buruz Batzordea prestatzen ari den Liburu Berdea arindu dezan eskatu dio Batzordeari berari; era berean, proposamen horietan eta azterketan oinarritutako neurri zehatzak har ditzan ere eskatu dio; landutako dokumentu gisa, informazioaren gizartearen eta hiritarren errakei hainbat mailatan liburutegiek nola erantzun diezaieketen eztabaidatzeko oinarria eskaintzen du;
   
   
5. Egile-eskubideei buruzko gaiak konpontzerakoan Batzordeak liburutegiak argi eta garbi kontuan har ditzan, eta liburutegi horien bidez, hiritarrek informazioa eskuratu ahal dezaten eskatu dio Batzordeari berari. Egile-eskubideei buruzko arteztarauak alderdien arteko oreka zaindu behar du eta erabiltzaileen eskubideak bateratu; halaber, nazioarteko betebeharrekin bat datozen salbuespenak ezarri beharko lirateke; era berean, ezingo lirateke antzeko ezaugarriak dituzten salbuespenak aplikatu eskubideen titularren interes legitimoak edo obra horien ustiapen normala kaltetuko luketen moduan;
   
   
6. Batzordeari, bere ikerketako eta garapen teknologikoko V. Programa markoan Europako liburutegien sarea sortzen laguntzen jarrai dezan eskatu dio; laguntza horren bidez, proiektu komunetan euren ezagutza profesionalak trukatu eta konexio teknikoen ezarpena handitu ahal izateko;
   
   
7. Batzordeak, bere ikerketako eta garapen teknologikoko V. Programa markoan, informazioa tratatzeko, kontserbatzeko eta transmititzeko liburutegietan arau komunak egiteko baliabideak eskaintzen jarrai ditzan eskatu du; halaber, arau hauek egiteaz arduratzen diren Batzordeko gainerako organoek euren lanean liburutegien sektoreko premiak eta esperientzia ere kontuan har ditzaten eskatu du;
   
   
8. Batzordeari, epe luzera zainketaren eta dokumentuen erabilgarritasunaren arazoak konpontzeko Europa-mailako lankidetza babes dezan eskatu dio; horretarako konpentsazio-ganbara motako organoa sortuko litzateke, informazioa eskaintzeko, kanpainak egiteko eta esperientzien trukaketa sustatzeko, bai eta sektore pribatuko eta publikoko aldeen (editoreak, paper-fabrikatzaileak, kontserbazio-sektoreko hornitzaileak, liburutegiak eta artxiboak) artean lankidetza suspertzeko ere;
   
   
9. Batzordeak, "paper iraunkorraren" edo paper neutroaren fabrikazioaren normalizazioa arautzeko arteztaraua egin dezan eskatu dio, gaur egungo ondare bibliografikoaren etorkizuna babesteko, eta interes historikoko dokumentuen artxiboen kontserbazioa ziurtatzeko;
   
   
10. "Paper iraunkorrarekin" argitaratutako liburuek, ISBNaren ondoan, &infin (infinitu) ikurraren bidez paperaren kalitatea adieraz dezaten eskatu du, kontsumitzaileen interesak babesteko;
    
    
11. Estatu kideei, euren dokumentuen digitalizazio- eta kontserbazio-programak nazio-mailan eurek finantza ditzaten gomendatu die, etorkizuneko belaunaldiek, ahalik eta pertsona gehienen eskura egongo den euskarrian kultur ondare hau gorde dezaten, eta arau komunei esker, mugak gaindituta informazioa ere erabili ahal izateko;
    
    
12. Dokumentu elektronikoak erabiltzeari buruz, eta bereziki, garrantzi txikiagoko eta laguntza ekonomiko txikiko liburutegiek erabiltzaileei dokumentu elektronikoak eskaintzeko moduari buruz lizentziak emateko sistemetako liburutegien ikuspuntutik ondorioei, gastuei eta funtzionamendu-printzipioei buruzko azterketak martxan jar ditzaten eskatu die Batzordeari eta Estatu kideei;
    
    
13. Batzordeari, bere kultur programa eta informaziorako aurrekontua, liburutegien zeregin kultural zabalagora eta definituagora bidera ditzan eskatu dio;
    
    
14. Lege-gordailuko legearen printzipioen arabera herrialde bakoitzean eta Europan nazioanitzeko eta nazioarteko izaerarekin produzitutako materialaren bilketa, kontserbazioa eta katalogazioa (edozein euskarritan) berma dezaketenekin negozia dezaten eskatu die Batzordeari eta Estatu kideei;
    
    
15. Estatu kideek mota guztietako liburutegiak tresna modernoz horni ditzaten gomendatu die, batez ere Internet konexioak eta liburutegiek informazioaren gizarteko hiritarren erronkei aurre egin ahal izateko nahiko fondoak ezar ditzaten gomendatu die; halaber, gero eta gehiago erabiltzen den material elektronikoaren lizentzien ordainketak eragindako gastuak ere kontuan har ditzaten eskatu die;
    
    
16. Herri kideei, liburutegi publikoen inguruko UNESCOren Adierazpenaren gomendioa jarraituta, liburutegi publikoen oinarrizko zerbitzuak doan eskaini ditzaten gomendatu die, adibidez, liburutegiaren jabetzako dokumentuen mailegua eta eskuizkribuen kontsulta; izan ere liburutegia berez interes orokorreko zerbitzu publikoa da, eta horrela informaziora eta kulturara sartzeko modu zuzenaren garrantzia azpimarratu da;
    
    
17. Estatu kideei, zergen ondorioz sortutako baliabideen bidez egindako dokumentu garrantzitsuak (legeak, toki-mailako erabakietan, eta estatistikak bibliografia nazionaletan) liburutegien bidez hiritarren eta gainerako erabiltzaileen eskura egon daitezen gomendatzen die, dokumentuak landu dituzten formatua edozein izanda ere; halaber Estatu kideei, dokumentu hauen sareko bertsioak egiteak eragingo lituzkeen abantailak azter ditzaten eskatu die;
    
    
18. Estatu kideei, euren hezkuntza- eta kualifikazio-sistemak informazioaren sozietatearen eboluziora hobeto egoki ditzaten gomendatu die; liburutegietako enplegatuek beharrezko ezagutza teknikoak izan beharko dituzte, informazio-multzo gero eta handiagotik gero eta gehiago exijitzen duten liburutegietako erabiltzaileei interesatzen zaizkienak bakarrik hartzeko;
    
    
19. Batzordeari, Europako Batasuneko liburutegi-informazioko zentroa eratzeko aukera azter dezan eskatu dio; zentro horrek, liburutegiko gaiak eta sektoreko ikerketa koordinatu beharko lituzke, eta liburutegietako langileei trebakuntza osagarria eskaini beharko lieke;
    
    
20. Batzordeari eta Estatu kideei, liburutegietan kokatutako Europari buruzko informazioa banatzeko puntuak beste herrialdetan jarri ote daitezkeen azter dezaten eskatu die, liburutegiekin batera egindako mota honetako esperientziak oso onak izan baitira;
    
    
21. Batzordeari, liburutegietako zerbitzuak komunitate-mailan estatistikoki nola jaso eta ebaluatu daitezkeen argi dezan eskatu dio, bertan jasotako eskaintzak konparatu ahal izateko;
    
    
22. Estatu kideei, Europako Parlamentuko diputatuei, euren jatorrizko herrialdeetako Parlamentu nazionaletako liburutegi-zerbitzuetara sartzeko eskubidea eman diezaien eskatu die, beti ere eskubide hori ez dagoen herrialdetan noski;
    
    
23. Bere lehendakariari erabaki hau Batzordera eta Kontseilura igorri dezan agindu dio.
    
    

(1) DO C 117, 1984.4.30ekoa, 161. or.
(2) DO C 271, 1985.10.23koa, 1. or. (EE 16 V2, or. 21).
(3) DO C 363, 1994.12.19koa, 33. or.
(4) DO C 56, 1995.3.6koa, 97. or.
(5) DO C 89, 1995.4.10ekoa, 123. or.
(6) DO C 364, 1996.12.4koa, 5. or.
(7) DO C 247, 1995.9.23koa, 1. or.
(8) DO C 242, 1996.8.21ekoa, 2. or.
(9) DC C 115, 1997.4.14koa, 151. or.
(10) DO C 117 1984.4.30ekoa.
(11) DO C 115, 1997.4.14koa.
(12) 1998.9.16ko akta, II. zatia, 16. puntua.
Iturria: Ian Pigott y Barbara Morganti. Edición electrónica y bibliotecas. Dirección General XIII. Comisión Europea.

Aurkibidera itzuli