Turismo Bulegoen Euskal Sarea– ITOURBASK, erabiltzaileei, Turismo Informazioko zerbitzu guztietatik, Euskal Autonomia Erkidego osoko turismoari buruzko informazio uniforme, eguneratu eta homogeneoa eskaintzeko helburua duela jaio da. Horrela, Euskadiko destinoaren turismo-informazio globala helarazten zaie.

ITOURBASK izeneko Turismo Bulegoen Euskal Sareak hainbat zerbitzu izango ditu. Zerbitzu horien artean, Euskadiko turismo baliabide eta zerbitzuen datu-baseak nabarmendu behar ditugu. Horiei esker,   horien arteko truke eta komunikazioa, dagozkien eginkizunen arabera, ahalbidetzen dira; bulegoei ezaugarri homogeneoak ematen zaizkie informazioaren estaldura eta  edukiei dagokienez; turismoko erabiltzaileei zerbitzu-multzo integrala eskaintzen zaie; horien poztasun maila hobetzen da eta Euskal Herriko turismo baliabideen komunikazio eta hedapena bultzatzen dira.

SAREAREN EREDUA 

ITOURBASK sarea zerbitzu nagusi batzuetan oinarrituta dago: 

• DOKUMENTAZIO ETA INFORMAZIO ZERBITZUA:Euskadiko turismo baliabide guztiak bilduko dituena. Horretarako, datu-base komunez baliatuko da, eta atxikitako Bulegoek horiek eguneratuko dituzte. 
• EBALUAZIO ETA ESTATISTIKEN ZERBITZUA:Honek atxikitako bulegoen kalitatea mantentzea eta horien erabiltzaileei buruzko datuak biltzea ahalbidetzen ditu.  
• PRESTAKUNTZA ZERBITZUA:Bulegoetan kasu egiten duten teknikarien prestakuntzako beharrei erantzuten diena, urteko prestakuntza-plan baten bidez.
• HEDAPEN ETA KOMUNIKAZIOKO ZERBITZUA:Korporazioko irudia zainduko du.

Zerbitzu horiek guztiek euskarri nagusitzat INTRANET aplikazioa dute, tresna hori bulegoen arteko lotura nagusia da eta honakoak ditu:

- Ezagutza Arloa (Bulego guztientzat garrantzitsua den informazioa duena)

- Komunikazio Arloa   (komunikazioak igorri eta jasotzen ditu)

- Datu Bilketa (aktibatutako inkesta)

- Lantaldeak 

- Foiletoak Kudeatzeko Sistema (Sareko foiletoen ezagutza).

Gaur egun 46 bulego eta informazio-gune atxikiak dauzkagu