Prestakuntza-programa honek udaletako harrera-zerbitzuetatik abegi egiten, aholkua ematen eta bitartekotzan dihardutena ditu xede; bai gizarte zerbitzuetatik (gizarte langileak, gizarte hezitzaileak, gizarte bitartekariak), bai beste arlo batzuetatik (toki poliziak, lan-teknikariak, hiritarrari laguntzeko zerbitzuetako langileak…). Honako gai hauen berri eman nahi zaie: inmigrazioari buruzko arau-esparrua, inmigrazioaren errealitateari eragiten dioten egoerak eta alderdiak, eta alor honetan dauden esku-hartze eredu desberdinak.

Programa 2002an abiarazi zen, eta jarraipena izan du 2003 eta 2004.ean ere, udal harrera zerbitzuak indartu eta laguntzeko neurri gisa, atzerriko etorkinei egiten dien harrerari dagokionez; izan ere, zerbitzu horietako langileen prestakuntzari eragiten dio, gure komunitateko herritar berri hauen errealitateari arreta egokia egiteko azken helburuarekin, gizartean guztiz integratzeko prozesua errazte aldera, gainerako biztanleek dituzten baldintza berberetan.