a) Diruz lagun daitezkeen inbertsio-proiektuak aurkitzea Euskal Autonomia Erkidegoan. b) Entitate onuraduna izateko baldintzak betetzea, hain justu ere indarrean dagoen legediarekin bat eto¬rriz. c) Diru-laguntza publikoak eskuratu ahal izateko zigor penal edo administratiboren baten edo horretarako ezgaitzen duen lege-debekuren baten eraginpean ez egotea, ezta sexu-bazterkeriagatik zigortuta ere, Emakumeen eta Gizonen Berdintasunari buruzko otsailaren 18ko 4/2005 Legean xedatutakoaren arabera. d) Industriaren Sustapen eta Eraldaketarako Baltzua SAko sozietateekin edo entitate laguntzaile eta sustatzaileekin mugaeguneratutako zorrik ez izatea, ez onuradunak, ez eta enpresa berria sustatzen duten pertsonek edo haiekin elkartutako edo lotutako beste sozietate batzuek ere. e) Eskabidea aurkeztean onuradun kondizioa egiaztatzea; hartarako, eskabide-inprimakian eskatutako agiriak aurkeztu beharko dira. 2.– Ezin izango dira laguntzen onuradun izan: a) Sozietate publikoak eta zuzenbide publikoko erakundeak, eta bai horiek partaidetzaren gehiengoa duten enpresa edo antolakundeak ere. b) Ondoko sailek dituzten eskumen-arloetan inbertsio-proiektuak dituzten enpresak: Eusko Jaurlaritzako Hezkuntza, Unibertsitate eta Ikerketa Saila, Etxebizitza, Herri Lan eta Garraio Saila, eta Ingurumen, Lurralde Plangintza, Nekazaritza eta Arrantza Saila.