|
Substantzia biologikoak dira txertoak eta, normalean, injekzio bidez administratzen dira. Helburua pertsona txertatuaren sistema inmunea estimulatzea da gaixotasun infekzioso jakin batzuen aurrean bere osasun babesteko. Txertaketa da osasun publikoan gauzatzen den interbentzio eraginkorrena bizitzak salbatzeko eta osasun ona sustatzeko.
Txertoak prestatzeko bakterioak, birusak edo toxinak erabiltzen dira eta oso prozedura zorrotz batzuen bidez egiaztatu behar dira beren efektu babeslea segurtatzeko eta, aldi berean, eragin litzaketen kontrako efektuak saihesteko.
Pertsonaren bizitzako hainbat une desberdinetan ematen dira, haurtzarotik hasita, eta batzuek dosi bat baino gehiago behar izaten dituzte. Txerto egutegia gida bat da, zein txerto eta zenbat dosi eman behar diren edo txerto bakoitza bizitzako zein unetan eman behar den jakiteko.
|
