Industria, Merkataritza eta Turismoa

Kontsumo eta Industria Segurtasuneko Zuzendaritza

Zeri eman laguntza:
- Kontsumitzaileei informazioa emateko udal bulegoen (KIUB) gune eta zerbitzuen funtzionamendua eta jarduerak, alegia, kontsumitzaileei eta erabiltzaileei argibideak eta prestakuntza emateko jarduerak eta gune eta zerbitzuon argitalpenak argitaratu eta zabaltzekoak.
- Kontsumoari dagozkion ikuskapenak egitea agindu honen eranskinean dagoen zerrendan adierazten diren sektoreetan.
- Kontsumitzaileei informazioa emateko udal bulegoen gune eta zerbitzuak instalatzea, eraberritzea, handitzea, hornitzea edo lekuz aldatzea.

Toki-erakundeak, banakako modura zein zerbitzua konpartitzen duten zenbait toki-erakunderen ordez, eta kontsumitzaileak informatzeko udal bulegoa duten toki erakundeek eta horiek sustatutako entitateak.

Laguntzak euren artean bateragarri izango dira, eta hiru eratara emango:
1.- Funtzionamendu gastuetarako eta ekintzak egiteko laguntzak
Guztira 889.150 euro izango dira. Laguntzak aurkeztutako aurrekontutik %70 izango da, eta onuradun batek 60.000 euro jaso ditzake, gehienez ere.
2.- Aginduaren eranskinean jasotzen den zerrendako arloetan kontsumoko ikuskaritzak egitetik sortutako gastuetarako.
Guztira 80.000 euro izango dira. Laguntzak aurkeztutako aurrekontutik %70 izango da, eta onuradun batek 20.000 euro jaso ditzake, gehienez ere.
3. KIUBetako instalazioak, berritzeko eta ekipatzeko gastuetarako laguntzak 118.500 euro izango dira.
Laguntzak aurkeztutako aurrekontutik %70 izango da, gehienez ere.

AGINDUA, 2005eko martxoaren 30ekoa, Industria, Merkataritza eta Turismo sailburuarena. Honen bitartez, toki-erakundeei eta haiek sustatutako erakundeei diru-laguntzak emateko programa arautzen da, kontsumitzaile eta erabiltzaileen eskubide eta interesak sustatu eta babesteko.

AGINDUA, 2007ko maiatzaren 29koa, Industria, Merkataritza, eta Turismo sailburuarena; honen bidez, 2007ko ekitaldiari dagokionez, aldatu egiten da honako agindua: kontsumitzaile eta erabiltzaileen eskubide eta interesak sustatu eta babesteko, toki erakundeei eta haiek sustatutako erakundeei diru-laguntzak emateko programa garatzeko Agindua.

HUTSEN ZUZENKETA, Industria, Merkataritza eta Turismo sailburuaren 2007ko maiatzaren 29 koa Aginduarena, zeinaren bidez, 2007ko ekitaldiari dagokionez, aldatu egiten da honako agindua: kontsumitzaile eta erabiltzaileen eskubide eta interesak sustatu eta babesteko, toki erakundeei eta haiek sustatutako erakundeei diru-laguntzak emateko programa garatzekoa.

EBAZPENA, 2007ko azaroaren 20koa, Merkataritza, Kontsumo eta Industria Segurtasuneko sailburuordearena. Honen bitartez, kontsumitzaile eta erabiltzaileen eskubide eta interesak sustatu eta babesteko, toki erakundeei eta haiek sustatutako erakundeei diru-laguntzak emateko 2008 ekitaldirako deialdia argitaratzen da.

Eusko Jaurlaritza
Industria, Merkataritza eta Turismo Saila
Kontsumo eta Industria Segurtasuneko Zuzendaritza
Donostia-San Sebastián 1
01010 Vitoria-Gasteiz

Karmele Martínez de Santos Saldaña
Tel.: 945019926
e-posta: k-martinez@ej-gv.es

1.- Eskabidearekin batera agiri hauek aurkeztu behar dira, oro har:

a) Organo eskumendunak laguntza eskatzeko hartutako erabakiaren egiaztagiria. Zehazki zenbateko laguntza eskatzen den adierazi behar da.
b) Udalaren idazkaritzak edo organo eskumendunak egindako ziurtagiria. Datu hauek zehaztu behar ditu: bulegoa jendearentzat zein ordutan egoten den irekita, kontsumitzaile eta erabiltzaileen galderei erantzuteko eta haien erreklamazio nahiz salaketak bideratzeko; egunean lau ordu eta astean hogei izan beharko dira, gutxienez.
c) Diru-laguntzaren gai diren jarduerak egiteko beste erakunde batzuei egindako eskabideei buruzko
egiaztagiria, udalaren idazkaritzak edo organo eskumendunak egina.
d) Udalaren idazkaritzak edo organo eskumendunak biztanle kopuruari buruz egindako ziurtagiria. Deialdiaren aurreko urteko abenduaren 31n, KIUBaren laneremu den udalerrian, mankomunitatean edo ingurunean zegoen biztanle kopurua adierazi behar da.
e) KIUBa kontsumitzaileak defendatzeko elkarte batekin itundua izanez gero, hitzarmenaren fotokopia aurkeztu behar da. Toki-erakundeak elkarteari ematen dion ordainaren zenbatekoa jaso behar du.
f) Zerbitzua merkataritza-baltzu baten bitartez kudeatzen bada, zerga-betebeharrak eta Gizarte Segurantzarekikoak ordainduta dituela egiaztatzen duen agiria.

2.- Laguntza 4.a) artikuluan aurreikusitako gastuak ordaintzeko baldin bada, aurreko paragrafoan aipatutakoaz
gainera, agiri hauek aurkeztu beharko dira eskabidearekin batera:
a) Deialdiaren aurreko urtean KIUBak kontsumoari buruz egindako jardueren justifikazio xehatua, eta uneko
urtean egingo dituen jardueren proiektua.
b) Funtzionamendu eta jardueren gastuen aurrekontua, behar bezala xehatua eta udalaren kontu-hartzailetzak
edo organo eskumendunak ikus-onetsia.

3.- Eskatzen den laguntza 4.b) artikuluan aurreikusitako gastuak ordaintzeko bada, artikulu honen 1. paragrafoan adierazitakoaz gain, honako hau ere aurkeztu beharko da eskabidearekin batera: udalaren idazkaritzak edo organo eskumendunak egindako agiria, deialdiaren aurreko urtean zenbat ikuskapen egin diren egiaztatzeko -agiri publikoan jasota egon beharko dute ikuskapen horiek-; zehaztu egin beharko da zein sektore ikuskatu den, zein emaitza lortu den, kontsumoaren alorreko ikuskapenak nork egin dituen eta beraren kostua.

4.- Eskatzen den laguntza ekipamendu berria erosteko bada, artikulu honen 1. paragrafoan adierazitakoaz gain, honako hau ere aurkeztu beharko da eskabidearekin batera: aurrekontu xehatua, udalaren kontu-hartzailetzak edo organo eskumendunak egina.

5.- Eskatzen den laguntza KIUBa berritu edo handitzeko nahiz lekuz aldatzeko bada, artikulu honen 1. paragrafoan adierazitakoaz gain, honako hau ere aurkeztu beharko da eskabidearekin batera: organo eskumendunak proiektua onartzeko hartutako erabakiaren egiaztagiria; proiektu hori dagokion teknikariak sinatuta egon behar da, eta bertan, lokala jendeari zerbitzua behar bezala emateko moduan dagoela bermatu beharko da, eta horretaz gain, proiektuaren balio ekonomikoa  kalkulatu beharko da.

6.- Eskatzen den laguntza KIUB berri bat sortzeko baldin bada, artikulu honen 1. eta 5. paragrafoetan adierazitakoaz gain, honako hau ere aurkeztu beharko da eskabidearekin batera:
a) Udalbatzaren osokoak edo organo eskumendunak KIUB bat sortzeko hartutako erabakia.
b) Organo eskumendunak emandako egiaztagiria non KIUBa kontsumitzaileei informazioa eta arreta emateko guneen sarean integratzeko konpromisoa jasoko baita.

7.- Toki-erakunde batek zerbitzua partekatzen duten erakunde batzuk ordezkatuz aurkezten badu eskabidea, toki-erakunde guzti horiei buruzko agiriak aurkeztu beharko dira eskabidearekin batera.

2007/12/18 - 2008/01/18

Merkataritza, kontsumo eta Turismo sailaren Lurralde-Ordezkaritzetan aurkeztu beharko dira.

Araba
Industria, Merkataritza eta Turismoko Arabako Lurralde Bulegoa
Samaniego 2, 4
01008 Vitoria-Gasteiz

Bizkaia
Industria, Merkataritza eta Turismoko Bizkaiko Lurralde Bulegoa
General Concha, 23
48010 Bilbao

Gipuzkoa
Industria, Merkataritza eta Turismoko Gipuzkoako Lurralde Bulegoa
Easo, 10
20006 Donostia-San Sebastián

Ez dira azaltzen

Kontsumo eta Industria Segurtasuneko Zuzendaritza

Sei hilabeteko epea izango du. Dagokion deialdi Ebazpena argitaratu eta biharamunean hasiko da epe hori.

Isilbidearen Ondorioak

Ezespenezkoak

Ebazpenak ez du administrazio bidea agortzen

Gorako errekurtsoa

Eskabide orria   

Ez dago

Ez dago 

Informazio hau orientagarri gisa bakarrik ematen da eta, beraz, honek ez ditu ordezkatzen ezta aldatzen ere prozedura administratiboak erregulatzen dituzten xedapen arautzaileak, eta, ondorioz, ezin ditu sortu berariazko Araudian jasota ez dauden eskubideak edota betebeharrak.

05/12/2007