Angularen Baimenak ON LINE

Angularen arrantza

Informazio-liburuxka

Angularen arrantza praktikatu ahal izateko beharrezkoa da lizentzia pertsonal eta besterenezina edukitzea, eta honek arro edo gune mugatu batean bakarrik baimentzen du arrantzan jardutea.

Baimenarekin batera, harrapatutakoaren orriak ematen da eta bertan, titular bakoitzak honako datu hauek adieraziko ditu:

• Eguna
• Arrantzan hasitako ordua
• Arrantza egiteko aukeratutako lekuaren kokapen zehatza
• Modalitatea / Bahearen diametroa
• Bilketa-kopurua edo arraste-denbora, orduko
• Bukaera-ordua: orduak: minutuak
• Harrapatutakoa

Titularrak soinean eraman behar du lizentzia arrantza egiten duen bitartean. Halaber, arrantza-eguna amaitzean harrapatutakoaren koadernoa bete beharko du, baita ezer harrapatu ez duenean ere.

Titularrak aurreko denboraldiko lizentzia eta harrapatutakoaren koadernoa, behar bezala beteta, aurkeztu beharko ditu urte bakoitzaren apirilaren 30a baino lehen, baita jarduerarik egin ez edo ezer harrapatu ez duenean ere. Agiri horiek Arrantza Ikuskatzeko Zerbitzuaren Donostiako bulegoetan edo Arrantza Egituren Zerbitzuko Bilboko bulegoetan aurkeztuko dira.

Aurreko denboraldiko lizentzia aurkezten ez bada, dagokion isuna jarriko da, eta gainera lizentzia ez da berrituko.

2011-2012 denboraldiaren berriak:

• Arrantza denboraldia: azaroaren 15etik urtarrilaren 31 arte.
• Angula europear aingira gaztea da 12 zentimetro baino gutxiago tamainarekin.
• Debekatuta dago 12 zentimetro baino gehiago duten Europako aingirak harrapatzea.
• Gehieneko arrantza: Lizentzia eta egun bakoitzeko gehienez 2 kg arrantza daitezke (bai lehorretik bai itsasontzitik)
• Aurreko denboraldietan lizentzia izan ez dutenei ez diete emango lizentzia denboraldi honetarako, ezta 2010-2011 kanpainako harrapatutako koadernoa epean (2011/02/01 – 2011/04/30)entregatu ez dutenei ere.

Gehiago jakiteko >>