Enplegu Zentro Berezietan Lanbide Jarduera Laguntzeko Unitateak eratzeko laguntzak.

Enplegu Zentro Berezietako Egokitze Pertsonaleko eta Sozialeko Zerbitzuen barruan lanbide anitzeko taldeen eraketari laguntzea, desgaitasuna duten langileei lanpostu batean txertatzeko prozesuan eta bertan irauteko eta aurrera egiteko unean oztopoak edo zailtasunak gainditzen laguntzeko.

ONURADUN KOLEKTIBOA

Enplegu Zentro Berezietan kontratatuak dauden desgaitasuna duten langileak, kontrato mugagabeekin edo gutxienez 6 hilabeteko aldiko kontratuekin:

a) % 33ko edo goragoko desgaitasun-maila aitortuta izanik, garun-paralisia, gaixotasun mentalen bat edo adimen-desgaitasunen bat duten pertsonak.
b) % 65eko edo goragoko desgaitasun fisikoko edota sentsorialeko maila aitortuta duten pertsonak.

DIRU-LAGUNTZA JASO DEZAKETEN JARDUERAK

Lanbide Jarduera Laguntzeko Unitateetan destinatuta dauden eta horiek osatzen dituzten langileek sortutako soldata-gastuak, barne hartzen dituzten langile desgaituen kopuruaren arabera honako banaketa hau eginez:

a) 15 langile desgaitu arte, erdi-mailako edo goi-mailako teknikari bat (edo jakintza eta/edo esperientzia parekagarriak dituena), gutxienez bere lanaldiaren % 20 sartzen duena, eta produkzioan laguntzeko arduradun bat lanaldi osoan, edo kontratazioa lanaldi partzialerako egiten den kasuan, proportzionalki dagokion kopurua.

b) 16-30 langile, erdi-mailako edo goi-mailako teknikari bat (edo jakintza eta/edo esperientzia parekagarriak dituena), gutxienez bere lanaldiaren % 80 egiten duena, eta produkzioan laguntzeko bi arduradun lanaldi osoan, edo kontratazioa lanaldi partzialerako egiten den kasuan, proportzionalki
dagokion kopurua.

c) 31-45 langile, erdi-mailako edo goi-mailako bi teknikari (edo jakintza eta/edo esperientzia parekagarriak dituena), horietako bat lanaldi osoan eta besteak gutxienez bere lanaldiaren % 50 egiten duena, eta produkzioan laguntzeko hiru arduradun lanaldi osoan, edo kontratazioa lanaldi partzialerako egiten den kasuan, proportzionalki dagokion kopurua.

d) 46-60 langile, erdi-mailako edo goi-mailako bi teknikari (edo jakintza eta/edo esperientzia parekagarriak dituena) lanaldi osoan, eta produkzioan laguntzeko lau arduradun lanaldi osoan, edo kontratazioa lanaldi partzialerako egiten den kasuan, proportzionalki dagokion kopurua.

e) 61-75 langile, erdi-mailako edo goi-mailako 3 teknikari (edo jakintza eta/edo esperientzia parekagarriak dituena), horietako bi lanaldi osoan eta besteak gutxienez bere lanaldiaren % 50 egiten duena, eta produkzioan laguntzeko bost arduradun lanaldi osoan, edo kontratazioa lanaldi partzialerako egiten den kasuan, proportzionalki dagokion kopurua.

f) 75 langile baino gehiago izanez gero, proportzionalki ezarriko da Lanbide Jarduerari Laguntzeko Unitatearen plantilla, aurretiaz adierazitako irizpideei jarraikiz.

DIRU-LAGUNTZA JASO DEZAKEEN JARDUNA

Lanbide Jarduera Laguntzeko Unitateek, langile desgaituei zuzendutako jardun hauek gauzatu behar dituzte:

a) Lanbide-jarduera garatzeko laguntza-premiak detektatzea.

b) Familia- eta gizarte-ingurunearekin harreman zehatzak ezartzea, lanpostura inkorporatzeko pizgarria izateko

c) Lanpostura, teknologia berrietara eta produkzio-prozesuetara egokitzeko prestakuntza-programak garatzea

d) Laguntza indibidualizatuak ezartzea

e) Lanpostuan autonomia eta independentzia bultzatzea eta indartzea

f) Langile berriak EBZetan sar daitezen erraztea

g) Langileari laguntzea languneetan eta merkatu arruntean inkorporatzeko prozesuan

h) Sor daitezkeen langileen narriadura-prozesuak detektatzea eta horietan esku hartzea