Argitalpen-data: 2014/07/17
Enplegu eta Gizarte Politiketako sailak 148 EEE izapidetu ditu ekainean
Enplegu eta Gizarte Politiketako Saila.
Ekainean, Enplegu eta Gizarte Politiketako Sailak enplegua erregulatzeko 148 espediente izapidetu ditu; hau da, maiatzean baino % 24 gehiago eta iazko hilabete berean baino % 18 gutxiago.
Ekaineko 148 espedienteetatik 113 lehenagoko baten jarraipena izan ziren eta 1.422 langileri eragin zieten.
Etendura-espedienteak 100 izan dira, lan jardunaldia murriztekoak 39 eta iraungitze-espedienteak 9. Etendura-espedienteek 1.242 langileri eragin zieten, iazko hilabete berean baino % 39 gutxiagori; lan jardunaldia murriztekoek 228 langileri (-% 19); eta iraungitze-espedienteek 161eri (-% 18).
Sektoreka, aurreko hilabetearen aldean, EEEen ehunekoa hazi egin zen nekazaritza-sektorean (arrantza-sektorean, ezinbestean, denboraleak zirela medio), baina maila berari eutsi zion eraikuntzan eta industrian, zerbitzuen sektorean behera eginez.
Egun, 14.457 langileri eragiten dieten 1.103 espediente daude indarrean; espediente horietatik 847 (% 77) aurreko baten jarraipena dira.
Hauexek dira gehien kaltetutako eskualdeak: Arabako Lautada, Bilbo Handia eta Donostialdea.
OHARRA:
Enplegu Erregulazioko Espedienteen (EEE) estatistika osoa Enplegu eta Gizarte Politiketako Sailaren webgunean ikus daiteke.