Euskal Lankideentzako Laguntzen 2014ko Deialdia

GGKEentzako edo kandidaturak aurkezten dituzten erakundeentzako baldintzak (Dekretauren 3. artikulua)

Honako baldintza hauek betetzen dituzten GGKEek eta erakundeek eskuratu ahal izango dituzte dirulaguntzak:

1.– GGKEentzat:

a) Legez eratuta eta dagokion Erregistroan izena emanda egotea.

b) Egoitza nagusia edo ordezkaritza iraunkorra edukitzea Euskal Autonomia Erkidegoan. Horretarako, honako hau hartuko da ordezkaritza iraunkortzat: erakundeak Euskal Autonomia Erkidegoan egitura garrantzitsuak dituela dokumentuen bidez egiaztatzen duena. Kasu horretan, ordezkaritza iraunkorrak eskabidea aurkezteko zuzeneko erantzukizuna izango du, eta Euskal Autonomia Erkidegoan duen bulegoan borondatezgislativoko lankidearekin erlazionatutako agiriei, kontabilitateari eta kogestioari eusteko konpromisoa hartuko du, eta berariazko banku-kontua irekiko du.

c) Euren estatutuetan berariaz jasota egon beharko du euren helburuen artean herri pobretuenak garatzeko proiektuak egitea dagoela, edo, agiri egokien bitartez, erakundeak eremu horretan gutxienez bi urteko jarduera etengabea duela egiaztatu beharko du.

d) Aurkezteko epea amaitzen denean, honako hau aurkeztu gabe utzi ez denaren deklarazioa: azken txostenak eta lehenago diruz lagundutako justifikazio guztiak igortzean hiru hilabete baino gehiagoko ez-justifikatutako atzerapena.

e) Zerga-arloko betebeharretan eta Gizarte Segurantzan egunean egotea.

f) Zigorrak dirauen bitartean, debekurik jaso ez izana Euskal Autonomia Erkidegoaren Aurrekontu Orokorren kargurako diru-laguntzak lortzeko, diru-laguntza edo laguntza publikoen arloan arau-haustea dela-eta ezarritako zigor irmoaren ondorioz, edo sexu-arrazoiren bat dela-eta bazterketa eragiteagatik administrazio-zigorrik edo zigor penalik betetzen ez egotea, edo debeku horrengatik zigortuta egotea, Emakume eta Gizonen Berdintasunari buruzko Legea dela eta.

2.– Beste erakunde batzuentzat:

a) Eratuta eta dagokion Erregistroan izena emanda egotea Euskal Autonomia Erkidegoan.

b) Egoitza nagusia edo ordezkaritza iraunkorra edukitzea EAEn.

c) Tokiko bazkide batekin duen loturari buruzko froga egokiak aurkeztea agirien bidez. Borondatezko lankide izan nahi duen hautagaia txertatzen den proiektua tokiko bazkide horren bitartez egin beharko da nahitaez.

d) Aurkezteko epea amaitzen denean, honako hau aurkeztu gabe utzi ez denaren deklarazioa: azken txostenak eta aurreko diru-laguntzak erabat justifikatzeko txostenak igortzean hiru hilabetetik gorako ez-justifikatutako atzerapena.

e) Zerga-arloko betebeharretan eta Gizarte Segurantzan egunean egotea.

f) Zigorrak dirauen bitartean, debekurik jaso ez izana Euskal Autonomia Erkidegoaren Aurrekontu Orokorren kargurako diru-laguntzak lortzeko, diru-laguntza edo laguntza publikoen arloan arau-haustea dela-eta ezarritako zigor irmoaren ondorioz, edo sexu-arrazoiren bat dela-eta bazterketa eragiteagatik administrazio-zigorrik edo zigor penalik betetzen ez egotea, edo debeku horrengatik zigortuta egotea, Emakume eta Gizonen Berdintasunari buruzko Legea dela eta.

Kandidaturentzako baldintzak (Dekretuaren 4. artkulua)

Diru-laguntza jasotzeko, eskatzaileek honako baldintza hauek betetzen dituzten kandidaturak aurkeztu beharko dituzte:

a) Profesionaltasun eta gizatasun egokia duten euskal lankideak sartzea, Autonomia Estatutuaren 7. artikuluan ezarritakoaren arabera.

b) Borondatezko lankidea sartuko den eta bete nahi den egintza zehatz-mehatz zehaztea, honako hauek nahitaez adierazita:

– Hautagaia sartuko den tokiko erakundearen ezaugarriak.

– Aurreikusitako emaitzak.

– Lan profesionala egiteko gutxi gorabeherako egutegia.

– Aurreikusitako gastuen xehetasuna, proforma fakturak, aurrekontuak eta finantzaketa-plana aurkeztuko dira, kanpoko ekarpenen egiaztagiriak erantsita.

c) Lankideak beteko duen eginkizuna deskribatzea.

d) Tokiko erakundeak borondatezko lankidea aintzat hartzeko interesa duela egiaztatzen duten frogak aurkeztea.

e) Borondatezko lankideari, bere jarduera betetzen duen bitartean, gutxienez urtebeteko eta gehienez ere bi urteko iraunaldia bermatzea proiektua egiten ari den lekuan.

f) Erakunde eskatzaileek, edota bertako bazkideek, edota EAEko Administrazio Orokorretik, Foru Administraziotik edo Tokiko Administraziotik kanpoko beste iturri batzuek eskabidearen aurrekontu orokorraren % 25eko edo gehiagoko zenbatekoa finantzatzea.

g) Diru-laguntzak eskuratzeko deialdia egiten den aurrekontu-ekitaldian, edota, erakunde eskatzailearen lehenengo transferentzia sartzen den datatik zenbatzen hasita hurrengo hiru hilabeteetan hastea egintza.