IRAGARKIAK

Industria, Berrikuntza, Merkataritza eta Turismo Saila

IRAGARKIA, 2012ko maiatzaren 2koa, Industria, Berrikuntza, Merkataritza eta Turismo Sailaren Gipuzkoako Lurralde ordezkariarena. Honen bidez, ondorengo proiektua jendaurrean erakustaldian jartzen da: «Hernani-Oiartzun, 30 kV-ko aireko linea elektrikoak (mota: zirkuitu bikuna) Hernani AE eta Oiartzun AE tartean eta haren deribazioek ukituriko zortasun-zerrenda zabaltzea Hernani, Astigarraga, Errenteria eta Oiartzun udalerrietan».

Abenduaren 1eko 1955/2000 Errege Dekretuaren (2000-12-27ko BOE) 144. artikuluan aurreikusitakoari begira, eta testu horretako azken xedapenen arteko lehenengoan, 1957ko apirilaren 26ko Nahitaezko Desjabetzeari buruzko Legearen Erregelamenduaren 17. artikuluan eta Sektore Elektrikoari buruzko azaroaren 27ko 54/1997 Legearen 53. artikuluan ezarritakoarekin bat etorriz, jendaurrean jartzen da ondorengo instalazioa; Iberdrola Distribución Eléctrica, S.A.U. da eskatzailea, eta enpresa horrek nahitaez desjabetu beharrekotzat hartzen dituen ondasun edo eskubideen zerrenda zehatz eta bana-banakoa ere jendaurrean jartzen da.

- Eskatzailea: Iberdrola Distribución Eléctrica, S.A.U. (helbidea: Mikeletegi pasealekua 1-3, Miramongo Parke Teknologikoa, Donostia-San Sebastián).

- Helburua: Energia eta Meategien zuzendariaren 2011ko martxoaren 8ko Ebazpena betetzea (2011-05-31ko EHAA); horren bitartez, goi-tentsioko linea elektrikoak zuhaiztietatik igarotzeko berariazko baldintzak ezartzen dira.

- Erreferentzia: RI 24040/AT-H-2011-118.

- Zuhaitz-zerrendaren zabalkuntzaren ezaugarriak: aurkezturiko Proiektuan bildurikoak, 2011ko abuztukoa, industria-ingeniari tekniko Jose Antonio Martínez Gómez jaunak sinaturikoa, tituludun aditu gisa deklaratzen duenak proiektua izenpetzeko.

- Linearen ibilbidea eta haren deribazioak: Hernani, Astigarraga, Errenteria eta Oiartzun udalerrietan.

- Proiektu honek eraginpean hartutako ondasun eta eskubideak: iragarki honen eranskinean jasotakoak.

- Aurrekontua: 8.848 euro.

Herri-onurakoa dela aitortzea eskatzen da horren zor-zerrendaren zabaltzearen ondorietarako.

Eta hori guztia argitara ematen da, batetik, Donostia-San Sebastián-go Easo kaleko 10. zk.n dagoen Lurralde Ordezkaritzan proiektua nornahik azter dezan, eta, bestetik, iragarki hau argitaratzen den egunaren biharamunetik harako hogei eguneko epearen barruan erreklamazioak aurkeztu daitezen.

Donostia-San Sebastián, 2012ko maiatzaren 2a.

Lurralde-ordezkaria,

JAVIER LÓPEZ LARRINAGA.

(Ikus .PDF)

---

Deskribatzailea:

• BASOAK; ERAKUSKETA PUBLIKOA; INSTALAZIOAK; HAIZEKO LINEA ELEKTRIKOA; MENDIAK; PASATZE-ZORRA