[inventario-materiales-arqueologicos]  2014. urtean material arkeologikoen eta paleontologikoen inbentarioa egiteko diru-laguntzak.

• Pertsona fisikoak Informazio xehatua
  Ekakizunak:

  • Pertsona fisikoaren nortasuna
  • Behar adinako jarduteko gaitasuna izatea
  • Zerga-betebeharrak egunean ordainduta izatea
  • Gizarte Segurantzarekiko betebeharrak egunean edukitzea.
  • Egunean izatea indarreko xedapenek ezartzen dituzten betebeharrak, hau da, Euskal Autonomia Erkidegoan aurkitutako material arkeologikoak eta paleontologikoak entregatzeari eta gordailuan uzteari buruzkoak.
• Pertsona juridikoak (publikoak eta pribatuak) Informazio xehatua
  Ekakizunak:

  • Behar adinako jarduteko gaitasuna izatea legez eraturik eta dagokion erregistroan izena emanda egotea.
  • Gizarte Segurantzarekiko betebeharrak egunean edukitzea.

• Pertsona edo erakunde eskatzaileak ez izatea diru-laguntza edo laguntza publikoak lortzeko aukera galtzea dakarren zigor- edo administrazio-arloko zehapenik; eta, ez egotea laguntza horiek jasotzeko ezgaitzen duten lege-debekuen eraginpean, beren beregiko erreferentzia egiten zaielarik Emakumeen eta Gizonen Berdintasunerako otsailaren 18ko 4/2005 Legeko azken xedapenetako seigarrenaren arabera sexu-diskriminazioa egin izanagatiko lege-debekuei. Informazio xehatua

  Ez dago agiririk aurkeztu beharrik baldintza hori betetzen dela egiaztatzeko.

• Proiektuaren zuzendari teknikoa eta zientifikoa materialen jatorria den esku-hartzearen baimenaren titularra izango da. Salbuespen gisa soilik, proiektua zuzentzeko beste pertsona bat (esku-hartzea zuzentzeko baimendutakoa ez dena) aurkezten duten eskaerak onartuko dira, baldin eta eskatzaileak esku-hartzearen titularrak ¿aurretiaz eta idatziz¿ emandako baimena badu. Baldintza hori nahitaez egiaztatuko da eskaera-izapidean.
• Proiektuaren zuzendariak eta esku-hartzearen arduradunak egunean izan behar dituzte indarreko xedapenek ezartzen dituzten betebeharrak, hau da, Euskal Autonomia Erkidegoan zuzendu dituen esku-hartzeen ondorioz aurkitutako material arkeologikoak eta paleontologikoak entregatzeari eta gordailuan uzteari buruzkoak.
• Proiektuaren memoria betetzea.
• Taldea osatzen duten pertsonen curriculum vitaea aurkeztea
• Inbentarioaren xede diren materialen jatorri diren esku-hartzeen behin-behineko edo behin betiko memoria aurkeztea, dagokion Foru Aldundiari igorritakoa. Memoria abian badago, azalpen-dokumentu bat aurkeztuko da esku-hartzeari buruzko honako xehetasunekin: proiektua, metodologia eta esku-hartzearen emaitzak. Memoria Euskal Kultura Ondarearen Zentroari aurretik igorrita badago, ez da beharrezkoa izango ekartzea, baina proiektuaren memorian halaxe jasoko da.
• Egokituko diren materialen inbentarioen kopia aurkeztea
• Proiektuko diru-sarreren eta gastuen aurrekontu xehatua.
• 2013ko urtarrilaren 1ean amaitutako esku-hartzeetako materialak izendatutako gordailu-zentroan entregatuta egon behar dute dagokien inbentarioarekin batera. Informazio xehatua

  Eskatzaileak ez du gordailu-Aktarik aurkeztu behar izango. Euskal Kultura Ondarearen Zentroak egingo ditu beharrezko egiaztapenak. Baldintza hau eskaera-izapidean betetzen ez duten proiektuei uko egingo zaie.

Laguntzaren zenbatekoa proiektuaren aurrekontuan sartutako gastuen ehuneko ehuneraino (% 100) irits daiteke, betiere proiektu bakoitzeko 12.000 euroko zenbatekoa gainditu gabe.

Deialdiari atxikitutako zuzkidura ekonomikoa aski ez bada  kalkulatutako laguntzen zenbateko globalari erantzuteko, diru-laguntzen zenbateko bakoitzaren murrizketa lineala egingo da zuzkidura hori aski izan arte.

Diru-laguntzen ordainketa aldi bakar batean gauzatuko da, baldin eta onuradunak justifikazio-agiriak aurkezten baditu eta Aginduaren 18 artikuluan ezarritako baldintzak betetzen badira.

• Gora jotzeko errekurtsoa

  Gora jotzeko errekurtsoa administrazio-errekurtsoa da. Honen bidez, administrazio-organo bati eskatzen zaio hierarkikoki haren mende dagoen beste organo batek emandako egintza berrikusteko eta zuzentzeko.

  Zer egintzaren aurka jartzen da?

  • Administrazio-bideari bukaera ematen ez dioten egintzen aurka.
  • Zuzenean edo zeharka auziaren muina erabakitzen duten edo prozedurak aurrera egitea eragozten duten izapidezko egintzen aurka.

  Zer organori jartzen zaio?

  • Errekurritutako egintza ematen duen organoari edo haren goragokoari.

  Zer epe daukazu errekurtsoa jartzeko?

  • Hilabete, egintza espresu bat errekurritzen baduzu.
  • 3 hilabete, presuntziozko egintza bat errekurritzen baduzu.

  Zer epe dauka Administrazioak ebazteko?

  • 3 hilabete.

  Epe horretan Administrazioak ez badizu ebazpena jakinarazten:

  • Errekurtsoa baietsitzat joko da, baldin eta presuntziozko egintza errekurritu baduzu.
  • Errekurtsoa ezetsitzat joko da, baldin eta egintza espresu bat errekurritu baduzu.

   Zer errekurtso jar dezakezu gero?

  • Administrazioarekiko auzi-errekurtsoa, bide judizialetik.
  • Berrikusteko errekurtso berezia, salbuespenez.

  Informazio gehiago: 30/1992 Legea, Herri-administrazioen araubide juridikoaren eta administrazio-prozedura erkidearena (VII. titulua, Egintzak administrazio-bidetik berrikustea),

  Aurkeztu beharreko dokumentuak

  Kanal elektronikoa

  Kanal presentziala
• Aukerako berraztertzeko errekurtsoa

  Aukerako berraztertzeko errekurtsoa administrazio-errekurtsoa da. Honen bidez, administrazio-organo bati eskatzen zaio berak emandako egintza berrikusteko eta zuzentzeko.

  Zer egintzaren aurka jartzen da?

  Administrazio-bideari bukaera ematen ez dioten egintzen aurka.

  Zer organori jartzen zaio?

  Errekurritutako egintza ematen duen organoari.

  Zer epe daukazu errekurtsoa jartzeko?

  • Hilabete, egintza espresu bat errekurritzen baduzu.
  • 3 hilabete, presuntziozko egintza bat errekurritzen baduzu.

  Zer epe dauka Administrazioak ebazteko?

  Hilabete.

  Epe horretan Administrazioak ez badizu ebazpena jakinarazten, errekurtsoa ezetsitzat joko da.

  Zer errekurtso jar dezakezu gero?

  Administrazioarekiko auzi-errekurtsoa, bide judizialetik.

  Informazio gehiago: 30/1992 Legea, Herri-administrazioen araubide juridikoaren eta administrazio-prozedura erkidearena (VII. Titulua, Egintzak administrazio-bidetik berrikustea).

  Aurkeztu beharreko dokumentuak

  Kanal elektronikoa

  Kanal presentziala